Claus Christoffersen

Claus suliffeqarfinni ataasiakkaani, illoqarfinni nunallu immikkoortuini periarfissat pitsanngorsarneqarsinnaasullu suussusersinissaannut piginnaaneqarluarpoq. Suliniutit suut pisariaqartinneqarnerannik paasiniaanissamik kiisalu siunnersuinissamik soqutigisanillu isumaginninnissamik inuussutissarsiuteqarpoq. Siunnersortitut oqaloqateqartarneq, nutaaliorneq sumiiffinnilu ataasiakkaani inuussutissarsiornermik ineriartortitsisuuneq pikkoriffigilluinnarpai. 

Claus biililerisutulli naammassigami namminersortuuvoq. Suliffeqarfinni arlalinni ingerlatsi-suusimallunilu pisortaanerusimavoq. Kingusinnerusukkut ukioq ataaseq aqutsinermik ilinniarsimavoq, aamma aqutsineq suliffeqarfimmillu ingerlatsineq pillugit atuakkiat nassaarisinnaasani tamaasa atuarsimavai. Kingullertigut Tunumi Paamiunilu inuussutissarsiornermik ineriartortitsinermik ilaatigut suliaqarsimavoq. 

Claus allanut attaveqallaqqissuuvoq, allanut akuliutillaqqissuuvoq, piumassuseqalersitsillaqqissuuvoq suliniutinillu tunngaviliipallaqqissuulluni. Claus akuutitsisumik ineriartortitsisumillu suleriuseqarnerami illoqarfiit annerit avataanni sumiiffinnilu avinngarusimanerusunik taaneqartartuni angusaqarluartarsimavoq. Clausip Qaanaamiit Tasiilamut Nanortalimmullu inuussutissarsiutinik ineriartortitsineq sungiusimanerpaavaa, aamma qanilaartumik sulilluartarami sumiiffiit ataasiakkaat pitsanngorsaavigineqarnerini ikiuuttarpoq. 

Clausip suliffeqarfiit nutaat aallartinneranni siunnersortitut ukiuni arlalinni ikiortarsimavai, aamma suliffeqarfiup iluani suleqatigiinnermiit pisortat iluini allaffissorpallaarnermut sutigut tamatigut ingerlatsinissaq ikiuinissarlu Clausip sungiusimalluinnarpai. Clausip qanilaarluni ikiuerusuttarnera suliffeqarfiit sivisunerusumik piusimasut aamma iluaqutigisarpaat. Clausip suliffeqarfiit assigiinngitsunik kulturilinnik sulisullit, ukiup qanoq ilinera apeqqutaatillugu assigiinngitsunik suliaqartartut pisortanillu akornusersorneqartut siulersornissaat aaqqissuunnissaallu misilittagaqarfigigamigit suliffeqarfiit piffissani ajornartorsiorfiusuni, allannguiffiusuni, annertusaaffiusuni kinguaariinnilluunniit nikisitsiffinni ikiorsinnaavai. Clausip ilumoorfiginnit-tuunini, nutaaliortuunini, ikiuiumatunini tusarnaarluartarninilu ilisarnaatigai.