Rasmus Jakobsen

Rasmus Jakobsen

Rasmus ilinniagartuujuvoq periusissiornermik suliniummillu aqutsinermik ilisimasaqarluartoq. Nunani tamalaani periusissiorluni suliniuteqarnermik misilittagaqarnermigut ajornartorsiummiit iliuusissatut pilersaarusiornermut pissutsit ingerlarngannik takunnissinnaanermik sungiussisimasuuvoq. Pissutsit atugarineqartut tamarmik assigiinngitsuunerannik tunngaviusumik paasinninneq allannguinissamullu periusissiortoqartariaqarneranik pingaartitsineq aallaavigalugit sulisarpoq.

Rasmus assigiinngitsorpassuartigut ilisimasanik katersuisinnaagami, misissueqqissaarsinnaa-gami periusissiamillu ineriartortitsisinnaagami inuussutissarsiutinik ineriartortitsinermut, tamat oqartussaaqataanerannut, aaqqissuussaanikkut allanngortitsinermut, isumaginnittoqarfimmut, ilinniartitaanermut assigisaannullu tunngasuni piukkunnarluinnarpoq.

Rasmusip sullinniakkat peqatigiiffiillu tamalaat pikkorissartittarlugillu periusissianik ineriartortitseqatigisarpai, aamma ilisimatusarnermi sammisat oqimaatsut inuinnarnut oqitsunngortinnissaat piginnaaneqarfigilluarpaa. Rasmusip ulluinnarni pisartut akornganniissalluni ajornartorsiutillu ataasiakkaat misissuiffigissallugit nuannarinerpaavaa. Kulturimut tunngasunik ilisimasaqarluarpoq, aamma pissutsini tamalaani inuillu tamalaat akornganni angusaqarluartarpoq.

Tatigeqatigiilersitsineq, ilumoorfiginnilluni iliuuseqarneq inuttullu piginnaasat atorlugit sulisartut unamminartitaannik ikiuineq Rasmusip nukittuffiginerpaasaasa ilagaat. Aaqqissugaasumik ingerlatsinissaq pillugu siunnersortitut ilinniaqqinnermigut aamma inunnik ataasiakkaanik eqimattanillu ineriartortitsinermik ikorfartuinermillu misilittagaqarluarnermigut ineriartortitsisutut, eqimattanik suleqatigiissitsilluartutut immikkoortortaqarfinnilu suleqatigiinnik ineriartortitsisutut siunnersuisuunissamut piukkunnarluinnarpoq.

Rasmus susassaqarfiit assigiinngitsorpassuit – soorlu politikkimut, periusissiornermut, annertuumik qaammarsaanermut, nunani ineriartortitassani suliniutinut, nunarsuaq tamakkerlugu anguniakkanut, inuttut ineriartornermut, inuussutissarsiutinik ineriartortitsinermut susassaqarfinnilu assigiinngitsuni ilinniartitsinermut tunngasut – suliaqarfigisimavai.