Illoqarfiit annerit avataanni inuussutissarsiornermik ineriartortitsineq

Illoqarfiit minnerit nunaqarfiillu amerlasoorujussuit inuussutissarsiornermi periarfissaqarluarput atorluarneqanngitsunik. Amerlanertigut iliuutsit amerlanngitsut suliniummik pitsaanerulersitsisarput, aamma periarfissanik nutaanik qaammarsaasarput. Najukkami pisariaqartitat, najukkami piginnaasat minnerunngitsumillu qanilaarneq angusaqarfiulluartoq aallaavigalugit naleqqussakkamik sullissinermik neqerooruteqarpugut. Suliffeqarfinnik ingerlatsineq aallarnisaanerlu kiisalu suliniutinik aqutsineq periusissiornikkullu ineriartortitsineq ukiorpassuarni misilittagaqarfigigatsigit suut iluaqutaanersut suullu angusaqarfiulluarsinnaanersut takupallassinnaasar-parput. Sapikkatsinnik neriorsuineq ajorpugut, kisianni aallarniinissamut tunngavissaqarluaratta, kalaallisut oqaasilinnik siunnersorteqaratta periarfissaalluartullu tappiffigigatsigit peqatigiilluta paasiniarsinnaavarput suut ineriartortinneqarsinnaanersut. 

Ilaatigut makku neqeroorutigaavut: 

  • Periarfissanik akorngutaasunillu qulaajaaneq 
  • Najukkami inuussutissarsiortunik oqaloqateqarneq
  • Nalunaarusiornikkut saqqummiussinikkullu nalunaaruteqarneq
  • Aallarnisaasunik suliffeqarfiutilinnillu tamatigoortumik, soorlu missingersuusiorneq, nioqqutinik ineriartortitsineq ingerlatsinerlu pillugit, ilitsersuineq
  • Najukkami kalaallisut pikkorissartitsineq 

ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT? 

Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput. 

Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.