Isumassarsiat nutaat ingerlateqqinnissaannut ikiorneqarnissamik pisariaqartitsivisi? Misigivisi pitsaasunik isumassarsiarpassuaqarlusi, kisianni katiternissaat timitalernissaallu sapernartillugu?
Isumassarsiamik nutaaliortumik aaqqissuussaasumillu ineriartortitsinermik ikiorsinnaavassi. Ajornartitsinnginneq ineriartortitsinerlu siunnerfeqarnermik aaqqissuussi-nermillu akusarpavut. Taamaalilluta ingerlariaaseq killilersuivallaanngitsoq paatsiveerutsitsinngitsorlu pilersittarparput. Taamaaliortarpugut pisunik paasinnilluarsinnaanikkut, pisariaqartitassinnik aallussinikkut kiisalu suliniutinik suliffeqarfinnillu ineriartortitsinermik allannguinermillu misilittagaqarluarnerput atorlugu.
Ilaatigut makku neqeroorutigisarpavut:
- Workshopit assigiinngitsunik sivisussusillit
- Ineriartortitsineq pillugu inunnik ataasiakkaaraluni oqaloqateqariarluni ataatsimoorluni workshopertitsineq
- Kissaatigineqartut malillugit isumassarsianik katersuineq nalunaarusiornerlu
ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT?
Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput.
Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.
