Pikkorissartitsinerit

Saqqummeeriaaseq

Suleqatinut qulinut inunnulluunniit 200-nut saqqummiinermi tusarliussassap kissaatigisatut saqqummiunnissaa unamminarsinnaallunilu sapernarsinnaavoq. Periutsit sakkussallu ajornanngitsut atorlugit eqqissillutit isumassarsiorfiusumik, eqqorluartumik sunniuteqarluartumillu “qaqisarfimmiit” tusarliussassannik saqqummiussinissamut pikkorissarneq una iluaqutigissavat.

Aqutsineq workshopimillu pilersaarusiorneq

Workshopit, ineriartortitsiumalluni ataatsimiinnerit minnerit nutaali-ornerillu suliffinni nalinginnaanerujartuinnarput. Tamanna pitsaasutut isigaarput – ataatsimoorluni ineriartorneq immikkoortortaqarfinnik inunnillu ataasiakkaanik nikitsitsingaarsinnaavoq. Taamaattorli workshopit aqqutigalugit kulturimik ineriartortitsineq qanoq aallartinneqarsinnaanersoq aamma pikkunaanngitsumik soqutaanngitsumillu pissarsiaqarnartumilli soqutiginartumillu qanoq eqqortumik workshopertitsisoqarsinnaasoq paasiniassallugu sapernarsinnaavoq. Tamatuma ilinniarnissaanut ikiorsinnaavassi. Isumassarsiap workshopimi piviu-sunngorlugu timitalernissaanut sakkussanik atoriaannaasunik sunniuteqangaartunillu tunisinnaavassi. Pilersaarusiornermut sakkussarsissaasi, nutaaliornissamut piumassuseqalersitsisinnaalissaasi workshopilu iluaqutigalugu eqimattat aqussinnaalissavasi.

Periusissiamik eqqarsaatiginninneq ineriartortitsinerlu

Ajornartorsiutisi, pisariaqartitasi unamminartitasilu aallaavigalugit periusissiamik ineriartortitsissaagut, tamatumalu saniatigut periusissiorluni eqqarsarsinnaaneq pitsaasumillu periusissiorsinnaaneq sungiusassavarput. Pikkorissarneq tassaavoq eqqissilluni ajornartorsiutaasup suliaqarfiulluunniit immikkoortuinik ataasiakkaaraluni tulleriiaareriarluni aallartisarneqarsinnaasumik iliuusissatut pilersaarusiorneq. Pikkorissarnermi aamma eqimattatut attaveqatigiinnersi aamma immissinnut peqatigiiffissinnillu ataatsimoorussamik paasinnittaasersi ineriartor-tinneqassapput. Kikkut tamarmik pikkorissarnermut peqataasinnaapput, aamma ataatsimoorneq ataatsimoorussamillu paasinnittaaseqarneq angusaqarnissamut pingaaruteqarluinnarput. 

Suliffeqarfimmik aallartisaaneq

Suliffeqarfimmik aallartitaaneq nunatta siunissaanut pingaaruteqarne-ruleraluttuinnarpoq. Urani uulialuunniit siunissatsinnut tunngaviginagit isumassarsiatsialaat kalaallisullu nutaaliorneq tunngavigissavavut. Suliffeqarfinnik arlalinnik iluatsilluartumik aallartisaasutut katillugit ukiut 40-t sinnerlugit misilittagaqaratta pissutsit piviusut ilisimaarilluarlugit suliffeqarfimmik aallartisaasunik A-Z pikkorissaasinnaavugut. Aallartisaasut pissutsit piviusut atugaat aallaavigalugit qanilaartumik inussiarnersumillu pikkorissaasarpugut. Kalaallisut qallunaatullu pikkorissaanernik neqerooruteqartarpugut, aamma Upernavimmiumik umiatsiaararsorluni aalisartumiit Qaqortumi kaffinngersumut tamaasa pikkorissartissinnaavavut. 

Suleqatigiinneq ataqatigiilluarnerlu

Suliffeqarfik ingerlalluassappat sulisut suleqatigiilluarnissaat paaseqatigiinnissaallu pingaaruteqarluinnarput. Inuttut nuannaarneq, toqqissisimaneq naleqquttumillu unammillerneqarneq amerlanertigut immikkoortortaqarfimmiittunik sullarinnerulersitsisarlunilu imminut akilersinnaasumik angusaqarluarnerulersitsisarpoq. Taamaattumik isumaqarpugut sulisutut ataqatigiilluarnikkut, suleqatigiilluarnikkut oqaloqatigiilluarnikkullu angusat pilertornerusumik sukumiinerusu-millu pitsaanerulersinneqarsinnaasut. Peqatigalusi pisariaqartitasilu tunngavigalugit ilissinnut naleqqussakkamik aaqqissuussisinnaavugut. Inuit suleqatigiinnerlu eqqarsaatigalugit oqariartaaseq “one size fits all” atuunneq ajorpoq. 

Politikkikkut periusissiorneq isummanillu illersuineq

Siunnerfimmik siammarsaarusukkuit, sammisaq aalajangersimasoq pillugu politikkikkut malinnaalersitserusukkuit politikkikkulluunniit allannguerusukkuit pikkorissarneq una iluaqutigissavat. Politikkikkut soqutigisanik isumaginninnermik politikkikkullu periusissiornermik ukiorpassuarni misilittagaqaratta pisariaqartitannut peqatigiiffippillu pisariaqartitaanut naleqquttumik pikkorissaasinnaavugut. Misilittakkat isumaliutersuutillu naleqquttut tunngavigalugit pikkorissaasarpugut, aamma pikkorissaasorput politikki politikkikkullu periusissiorneq pillugit ilinniagaqarlunilu misilittagaqarpoq. Politikkimut politikkikkullu angu-niagaqarnermut pikkorinnerulerusuttup kialuunniit pikkorissarneq una iluaqutigissavaa. 

ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT? 

Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput. 

Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.