Qaammarsaanermik ineriartortitsineq

Eqqortumik oqariartuuteqarnerup, tusarliussamik siammarsaanerup sullin-niakkanillu tusarliinerup eqqortumik katiternissaat sapernarsinnaavoq. Amerlasoorpassuit immikkoortut taakkua ilaat kukkusarpaat taamaattumillu anguniagartik uniortarlugu. Periusissiornikkut qaammarsaanermik ineriartortitsineq piviusunngortitsinerlu misilittagaqarfigigatsigit qaammarsaanermik ineriartortitsinermik neqerooruteqarpugut.

Peqatigalusi qaammarsaanerit A-Z ineriartortissinnaallugillu piviusunngortissinnaavavut. Tassa isumassarsiaq timitalersinnaavarput.

Ineriartortitsineq, misissueqqissaarneq, imminut akilersinnaasumik nittarsaassineq, politikkikkut soqutigisanik isumaginninneq, qarasaasiakkut ilusilersuineq, attaveqaqatigiinneq pillugu pilersaarusiorneq, internetikkut attaveqaqatigiittarfinnik isumaginninneq qaammarsaanernillu aaqqissuussineq piginnaasaqarfigaavut.

Ilaatigut makku neqeroorutigaavut: 

  • Qaammarsaanermik ineriartortitsineq, isumassarsinermiit nioqquteqalernermut
  • Qaammarsaaneq pillugu aaqqissuussaasumik suliaqarnermut tunngasumik workshopertitsineq
  • Ilisarnaataasunik assiliartalersuineq nioqqutinillu ilusilersuineq 

ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT? 

Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput. 

Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.