Mariap Rasmusillu saqqummiussinernik ilisarititsineq ataatsimeersuarnermilu aqutsisuneq misilittagaqarfigaat. Pingaartumik Mariap nuannersumik, alutornartumik eqqorluartumillu ingerlatseriaatsini ilisimaneqaatigaa.
Tamatumani isumaqarpugut kajumissuseqarluni nuannaarlunilu piffissamik sammineqartunillu aqutsilluaqqissaarsinnaaneq pingaaruteqarluinnartoq. Pulaartut peqataasullu taamaalillutik tuaviusukaartinneqartutut misigissanngillat, akerlianilli misigissapput pisut nuannersumik aamma qungujulalluni, oqallorilluni suliamullu inorsaateqarnani ingerlanneqartut.
Ilaatigut makku neqeroorutigaavut:
- Saqqummiunniakkasi aallaavigalugit kalaallisut oqallutaatullu aqutsi-suuneq
- A-Z aqutsisuuneq, tassa saqqummiussassanik piareersaaneq, sumiiffissamik toqqaaneq ullormullu pisussanik pilersaarusiorneq.
ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT?
Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput.
Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.
