Suliffeqarfimmik pitsanngorsaaneq

Suliffeqarfimmik ingerlatsineq siulersuinerlu pissanganarlunilu allanngorartuaannarpoq, aamma ullut tamaasa tiguartinnarlunilu nalerisimaarnartarpoq. Ukiut ingerlanerini arlalinnik ingerlalluartunik suliffeqarfiuteqareeratta tamanna nalunngilarput. Amerlanertigulli suliffeqarfiup pigisap avataaniit qissiminnissaa sapernarsinnaasarpoq taamaattumillu pitsanngorsaanissamut, pisariillisaanissamut sulinermilu nuannaarnerulernissamut periarfissat nutaat takujuminaassinnaasarlutik. Taamaattumik suliffeqarfimmik pitsanngorsaanissamik neqerooruteqarpugut.

Aqutsisut peqatigalugit suut misissorneqarnissaat aalajangersassavarput, taava kissaatigisasi naapertorlugit akuutitsilluta, ikorfartuilluta unneqqarillutalu misissuissaagut. Qanoq aaqqiisoqarnissaa ilisimasariaqanngilarsi, imaassinnaavoq sulisusi assut nikerartut, tunisaqarpallaarunnaariartortusi, allaffissornikkut aaqqissuussaanngitsumik ingerlasusi imaluunniit suliffeqarfimmi attaveqaqati-giinnikkut ajornartorsiuteqartusi. Tamatumani avataanit nalilersuisinnaavugut aqutsisutullu iliuuseqarnissamut periarfissasi aaqqissuussaasumik saqqummiussinnaallugit.

Makku ilaatigut neqeroorutigaavut: 

  • Pisariillisaaneq suleriutsinillu misissueqqissaarneq
  • Attaveqaqatigiinnermik pitsanngorsaaneq, atorluaaneq sulinermillu nuannarinninnerulerneq
  • Kulturimik misissueqqissaarneq allannguinissarlu pillugu siunnersuineq
  • Inuiaqatigiinni allat peqatigalugit suliaqarfiusinnaasut atorluarne-qanngitsut “avataanit” qissiminnerat. 

ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT? 

Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput. 

Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.