Mariap TV-kkut aallakaatitassiorneq ukiut qulit sinnerlugit misilittagaqarfigaa, aamma KNR, DR aallakaatitassiorfippassuillu allat suleqatigisarsimavai. Mariap aaqqissuisutut aallakaatitsinermilu aqutsineq misilittagaqarfigai, aamma tusagassiortut suliaminnik ineriartortitsineranni oqaluttuanik, inunnik aallaavigisassanillu ujartuinermi arlaleriarluni suleqataasarsimavoq.
Kingullermik meeqqat kalaallit pinngitsaalisaasumik meeravissianngortinneqartarnerat pillugu aallakaatitassioqataavoq, aamma siusinnerusukkut nunatsinnit aasakkut inuulluaqqusinerit, nunatsinnut juullimi inuulluaqqusineq juullimilu ammartagaq TAMMARTAGAQ peqataaffigisarsimavai.
Tamatuma saniatigut INUVA-p innuttaasut immikkoortuini tamani sullitaqar-neq misilittagaqarfigilluaramiuk tamani attaveqarfeqarpoq. Taamaattumik sineriatsinni tamarmi tusagassiortut aallakaatitassiortullu allanut attaveqalerniarneranni ikiukutsoorsinnaavavut.
ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT?
Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput.
Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.
