Emil Skjervedal

Emil pitsaalluinnartumik allannguisitsisartuuvoq, periarfissanik ammaasartuuvoq soqutigisanillu isumaginnittartuulluni. Isumassarsiap piviusunngortinnissaa Emilip pikkoriffigilluinnarpaa. Periusissiornermik pingaartitsillunilu attaveqallaqqissuugami allannguinermut niuernermullu tunngatillugu suleqatissaqqissuuvoq.

Emil aqutsinermik, ilaatigut sulisunik aqutsinermik kiisalu/minnerunngitsumillu suliffeqarfiit, peqatigiiffiit inuillu akimorlugit allannguinermik aqutsinermik, ukiorpassuarni misilittagaqarpoq. Isumasioqatissatsialaavoq, aamma unammillernartitassi pissutiviata misissoqqissaapallassinnaavaa.

Kommunimi illoqarfiit pingaarnersaanniittumi Kommuneqarfik Sersorsuumi inuussutissarsiornermut pisortaanermini inuussutissarsiortut qanimut suleqatigalugit angusaqarluarsimavoq. Emilip suliaqarfiit akimorlugit unammillernartut periarfissallu ilisimasaqarfigilluaramigit ilisimasani illit peqatigiiffinnut iluaqutissanngortissinnaavai. Emil annertussutsinik pitsaassutsinillu misissueqqissaarnermik misilitagaqarpoq, aamma isumassarsiamiit misissueqqissaarnermik nalunaarusiamik naammassinninnissamut suliassanik aaqqissueqataasinnaavoq.

Emil Aalborg Universitetimi inuussutissarsiornerup silarsuaani aningaasaqarnikkut nutaaliorneq ilisimasallu immikkut piginnaaneqarfigalugit kandidatitut ilinniarsimavoq. Emil ukiut qulit sinnerlugit peqatigiiffimmi politikkikkut aqunneqartumi sulinermik misilittagaqarami soqutigisanik isumaginninnermik misilittagaqarluarpoq. Taamaattumik Emilip ilisimatusarnikkut ilisimasat tigussaasunngorlugit timitalerluarsinnaallugillu suliniutit peqatigiiffiillu anguniakkaminnik angusiniassammata suleriutsit aaqqissuulluarsinnaavai.