Aqutsisutut inuttullu ineriartorneq
Illit inuttut aallaavigalutit kissaatigisattut ineriartortitsinermik neqeroorfigisinnaavatsigit, peqatigalutillu akornutigisatit tunuarsimatitsisut qaangissavavut. Ataatsimoorluta kivissavatsigit, aamma aqutsisutut inut-tullu periarfissatit piviusunngortissavavut.
Akuersaarluta sulianut tunngasut aalluttarpavut. Taamaattumik ulluinnarni sulisarnerit aqutsisutullu nammineq pillutit eqqarsaatersuutitit pissusissamisoortut sammissavavut.
Peqatigalutit sakkoq ilinnut iluaqutaanerpaaq sunaanersoq paasiniassavarput – sakkoq taassaasinnaavoq ilitsersuisutut oqaloqatigiittarnerit, ikorfartuilluni ataatsimiinnerit nutaaliorfiusut imaluunniit illit inuttut aqutsisutullu pillutit asimi oqaloqatigiinnerit. Pigiliutiinnakkanik isumaliutersuuteqarnatalu tarnip pissusiinik immikkut ilisimasaqanngilagut, inuilli siumukartinnissaat ilisimasaqarfigilluarlugulu misilittagaqarfigilluarparput.
Isumassarsinermiit suliffeqarfimmik aallartisaanermut
Suliffeqarfimmik aallartisaasut amerlasuut nioqqutissaq aallutartik pillugu immikkut ittumik ilisimasaqarput suliffeqarfimmilli ingerlatsinermut, allaffissornermut pisortallu allaffissornerujussuannut tunngasut sapernartissinnaasarlugit. Taamaattumik suliniutit pitsassuit arlallit suliluunniit aallartinngitsut unitsinneqaannartarput. Aallartisaasut suliffeqarfimmik aallartitsineranniit namminneq ingerlallualernissaasa tungaanut tapersersornissaannik neqeroorfigaavut. Misissuinernit nalunngilarput aallartitaasorpassuit akornutaasut pissutigalugit periarfissaminnik maangaannartitsisartut, taamaattumik akornutaasut pillugit ilitsersuisumit aalajangersimasumit ataavartumik ikiorneqartassaatit.
Ataatsimiinnernik ataasiakkaanik sivisunerusumilluunniit ineriartortitsineq pillugit pilersaarusiorneq ingerlatsinerlu
Ataatsimiinnerup, ataatsimiinnerit arlalillit pisulluunniit allap angusaqarlu-arfiulluartinnissaa sapernartippisiuk? Angusassatut neriorsuutigisassi angunissaa qulakkeerusuppisiuk? Aamma suliamut tunngasunik eqqartueqatigiinnerni peqataalluarnerusinnaajumallutit aqutsisutut ataatsimiinnermik ingerlatserusuppallanngilit?
Taava ataatsimiinnissarsi pisorluunniit angusaqarfiulluaqqullugu pilersaarusiornermik aqutsinermillu ikiorsinnaavassi. Ataatsimiinnernik immikkoortortaqarfinnillu ineriartortitsinernik angusaqarfiulluartunik ingerlatsineq ukiorpassuarni misilittagaqarfigigatsigit eqqissillusi peqataanissassinnik neqeroorfigaassi, aamma pisariaqartikkussiuk aqutsisuusinnaavugut – tamanna suliamut tunngasunik aallutaqarnissamut iluaqutigisinnaavarsi.
Kulturimik paasinninneq, tassunga ilanngullugu assigiinngitsunik kultureqarfiusumi aqutsineq
Nunarput nunatsinnilu suliffeqarfiit assigiinngitsunik kultureqarfiullutillu assigiinngisitaartuupput. Tamanna aqutsisumut sulisunullu immikkut ittumik pisussaafiliivoq. Assigiinngitsunik kultureqarfiusumi silatusaartumik ataqqinnittumillu iliuuseqarnissaq sapernarsinnaavoq, peqatigiiffittulli ingerlalluassagaanni taamaaliornissaq pingaaruteqarluinnarpoq. Kulturikkut paatsoorneq, kukkusumik innimittarneq eqqartorsimanngisamillu isumaqatigiinnginneq pissutigalugit eqqarsaatit, suliniutit, isumassarsiat peqati-giiffiillu pitsaasut amerlasuut unittoortarput. Tamatumani ikiorsinnaavassi, taamaattumillu tamakkununnga tunngasut pingaarutillit pillugit aqutsisunik immikkoortortaqarfinnillu pikkorissartitsinissamik sulisullu nutaat akule-rulluarsinnaaqqullugit ataatsimeeqatigisarnissaannik neqerooruteqarpugut. Isumaqarpugut assigiinngitsunik kultureqarfiusumik paasinnissinnaaneq pillugu aningaasaliissutit suleqatigiillualersitsinikkut akerleriinnernillu pinngi-tsoortitsinikkut quleriaammik pissarsiaqarfiussasut.
ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT?
Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput.
Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.
