Periusissiaq uagutsinnut tassaavoq pilersaarusiaq angusaqarluarnissamut iluaqutaasoq siunissarlu ungasinnerusoq eqqarsaatigalugu anguniakkanik ukkatarinnittoq tamannalu tunngavigalugu iliuutsinik sunniuteqarluarnerpaanik aalajangersaasoq. Taamaattumik isumaqarpugut peqatigiiffinni tamangajanni periusissiaq tunngavigalugu sulinissaq pisariaqartoq.
Periusissiaq suliffeqarfimmut allanulluunniit tunngasinnaavoq. Assersuutigalugu kommunip inuussutissarsiorneq pillugu periusissiorneranut tunngasinnaavoq imaluunniit suliffeqarfimmi aqutsisut atugarissaarneq, sulisunik atorfeqartitsiinnarneq pitsanngorsaanerluunniit pillugit periusissiornerannut tunngasinnaalluni.
Periusissiorneq sapernarnanilu pisariunngilaq, kisianni suliffeqarfiup periusissiornikkut anguniagassai iliuuserisassaalu eqqortut takusinnaajumallugit pissutsit ingerlarngannik qulaajaasoqartariaqarpoq. Peqatigalusi pissutsit ingerlarngat qulaajarsinnaavarput naggataatigullu pitsaasumik periusissioqatigisinnaallusi.
Assersuutigalugu uku pillugit ikiuussinnaavugut:
- Pissutsit ingerlarngat A-Z, tassunga ilanngullugit qulaajaaneq, innuttaasunik/sulisunik akuutitsineq, paasissutissanik suliaqarneq, misissueqqissaarneq, periusissiorneq attaveqaqatigiinnermillu pilersaarusiorneq Kommunit inuussutissarsiorneq pillugu periusissiaat
- Nunap immikkoortuinik ineriartortitsinissaq pillugu periusissiorneq
- Susassaqarfiit ataasiakkaat ineriartortitsinissamut periusissiaat
- Suliffeqarfimmut tunngasunik periusissiorneq
- Immikkoortortaqarfinnut susassaqarfinnullu periusissianik ineriartorti-tsineq.
ISUMASSARSIAQ, UNAMMINARTOQ EQQARSAATAANNARLUUNNIIT PILLUGU OQALOQATEQARUSUPPIT?
Uagutsinnut sianertuaannarsinnaallutilluunniit allattuaannarsinnaavutit. Sunarpiaq aaqqitsikkusunnerlugu ilisimasariaqanngilat. Tamatta pingasuulluta ikorfartortitut oqaloqatikkuminartuuvugut, aaqqiissuteqarnissamik pingaartitsisuuvugut immitsinnullu tuniniarniarpallaarneq ajorluta. Taamaattumik arlaannik eqqartugaqarusukkuit sianerfigiinnassavatsigut, taava illit peqatigiiffiillu qanoq ingerlariaqqissinnaanersusi unneqqarilluta eqqartorluassavarput.
Aamma imaassinnaavoq arlalinnik immikkut naleqqussakkanik sammisassaqartitsinissamik, aalisarnermik ineriartortitsineq pillugu ukiumi ataatsimi suliniummik imaluunniit nalunaarusiamik takkajaamik allapallannissamik pisariaqartitsisutit. Sianerfigitigut – taava suut periarfissaanersut takussavarput.
